Geeta Dutt Fans' Blog

*** Exclusive: Geeta Dutt presenting Jaimala program in her own voice ***

Jaimala is a program that has been aired on the Vividh Bharti station of All India Radio since it’s early days. It is a one hour program that exclusively plays requests from soldiers posted at the front. Once a week they have a special where a celebrity associated with the film world plays his/her own selection. Over the years a number of prominent personalities have hosted this program and these programs are a fascinating archive of their thoughts, ideas and musical selection.

Playback singer Geeta Dutt (nee Roy) presented this program in the year 1969, just three years before her untimely death on 20th July 1972.

Earlier we presented the text of this program and the songs played in this post. Now we are presenting the complete audio of this program where one can listen to the speaking voice of Geeta Dutt. Please bear with the little disturbance in the audio recording.

Mere pyare fauji bhaiyon, aaj aapse baaten karte huye mujhe bahut prasannata ho rahi hai. Pehla geet phool maine mahaan kalakar K L Saigal ke awaaz mein chuna hai.

Song 1: Karoon kya aas niraas bhayi (Dushman)

Arzoo sahab ka likha yeh geet tha film Dushman ka, jiske sangeetkaar the Pankaj Mullick. Main jab gaana shuru kiya, us samay ke naami gayakon mein se the Shamshad Begum, Kanan Devi, Amirbai Karnataki, Zohrabai Amabalewali, Krishna Chandra Dey, Pankaj Mullick aur K L Saigal. Saigal sahab Uttar Bhartiya hote huye bhi Bangla bahut achchhi tarah bol sakte the aur isliye Bangal mein we kaafi lokpriya the. Ab main apne zamaane ki sabse jyaada lokpriy gayika Lata Mangeshkar ka gaaya ek geet sunwane jaa rahi hoon, film ka naam hai Durgesh Nandini.

Song 2: Kahaan le chale ho bata do musafir (Durgesh Nandini)

Rajinder Krishna ka likha yeh geet tha, sangeetkaar the Hemant Kumar. Hemant dada sangeetkaar banne se bahot pehle ek gaayak the. Film Jaal mein unka gaaya huya yeh geet mujhe aksar yaad aa jaati hai.

Song 3: Yeh raat yeh chaandni phir kahaan (Jaal)

Abhi jo geet aapne suna use likha tha Sahir Ludhianvi ne aur suron se sajaya Sachin Dev Burman ne. Burman dada ka sangeetkaaron mein ek vishesh sthaan hai. Unhi ke direction mein aaj se lagbagh 21 saal pehle film Do Bhai ke liye geet gaaye the. Mera sundar sapna beet gaya, Humein chhod piya kis des gaye aur yaad karoge yaad karoge, inhee geeton se log muhe jaanne lage the. Burman daada ki bahut si dhunon par gaane ka awsar mujhe mila hain. Unhi mein se ek hai film Sujata ka yeh geet jise Majrooh Sultanpuri ne likha thaa.

Song 4: Nanhi kali sone chali hawa dheere aana (Sujata)

Ab main prastut karti hoon film Dekh Kabira Roya ka Manna Dey ka gaaya ek geet. Kisiko dekhte hi sapnon ka ek sansaar jaag uthaa. Man use pehchaanta hain, lekin aankhen us se anjaan hain. Aur hothon par aa jaata hain kaun aaya mere man ke dwaare paayal ki jhankaar liye. Rajender Krishen ki rachana ko Madan Mohan ne sangeet baddh kiya hain.

Song 5: Kaun aaya mere man ke dwaare (Dekh Kabira Roya)

Ab main apna hi gaaya film Shart ka ek geet sunwati hoon . Film Shart ke liye S H Bihari ne likha hai aur Hemant dada ne swarbaddha kiya hai. Is prem geet mein anantkaal tak apne priyatam ka saath dene ka vaada hai.

Song 6: Na yeh chaand hoga na taare rahenge (Shart)

Ab mere saamne hai film Pyaasa ka record. Aur isi ke saath yaad aa rahi hai mere jeevan ki sukh bhari dukh bhari yaaden, lekin aapko yeh sab batakar kya karoongi. Mere mann ki is samay ki haalat ka andaaza aap achchhi tarah lagaa sakte hain agar aap jaante hain ki Is film ke naayak nirmata nirdeshak the mere patidev Guru Dutt hain.

Song 7: Aaj sajan mohe ang lagaa lo janam safal ho jaaye (Pyaasa)

Mere patidev sahi arth mein kalakaar the. Woh jo kuchh bhi karte bahut mehnat aur lagan se karte. Filmon ke zariye apne vichaaron ko vyakt karte.

Song 8: Jinhe naaz hain Hind par (Pyaasa)

Yeh geet bhi film Pyaasa ka tha. Yeh dono geet Sahir ne likhe aur Burman dada ne unki dhun banaayi. Agle geet mein Aasha aur umang ki jhalak hain. Baadlon ke chhaon mein chhota sa ghar banane ke sapne. Aur lagta hain chaand sitaare sab apne hain, sirf apne. Geetkar Shailendra sangeetkar Salil Chaudhary aur Gaayak Kishore Kumar film Naukri mein

Song 9: Chhota sa ghar hogaa (Naukri)

Is kaarykram ka antim geet bhi main apne patidev ki film Saheb Biwi Aur Ghulam se chuna hain. Geetkaar Shakeel aur sangeetkaar Hemant Kumar. Ab kabhi kabhi mujhe lagta hain ki yeh geet ke bhaav paatron se bhi zyaada mere apne bhaavon ka bayaan hain.

Song 10: Na jaao saiyaan chhudake baiyaan (Saheb Biwi Aur Ghulaam)

Pyaar fauji bhaayiyon, is kaaryakram ka samay ab samapt ho rahaa hain. Main bhi aap se ijaazat chaahti hoon. Aasha hain isi tarah kabhi phir mulaakat hogi. Jai Hind.

Tags: Jaimala, Program, Radio

This entry was posted on Sunday, September 27th, 2015 at 6:41 am and is filed under Geeta Dutt and her life, Geeta Dutt and her singing, Uncategorized. You can follow any responses to this entry through the RSS 2.0 feed. You can leave a response, or trackback from your own site.